Arte teknologikoa . Daito Manabe eta MIKIKO

Daito Manabe sortzaile polifazetikoa da : konpositorea, programatzailea, diseinatzailea, DJ eta VJ, eta Rhizomatiks estudioaren sortzailea . Bere lanak gure gorputzen eta aurrerapen teknologikoen arteko elkarrekintza eta gizakien eta makinen arteko hibridazio potentzialak aztertzen ditu, adierazpen tekniko eta artistikorako aukera berriak sortzeko. Sari eta aitortza ugari jaso ditu eta oso errespetatua da bai sormenezko bai teknologiko komunitateetan .

Saio honetan , Daito Manabek eta MIKIKO koreografo eta dantzariak –ELEVENPLAY konpainiaren zuzendaria– dantzak eta teknologiak adierazpen modu berriak sortzen dituzten beren lan batzuk aurkeztuko dituzte .

Saioa Museoaren Antzokian izango da, eta txandaka egingo dira sorkuntzak erakusten dituzten bideo-emanaldiak eta artisten azalpenak. Aldibereko japoniera-gaztelania itzulpena eskainiko da.

Erakusgai dauden lanen artean, Nosaj Thing ekoizle estatubatuarrarekin sortutako bi bideoklip daude – “ Eclipse / Blue ” (2012) eta “ Cold Stares ” (2015) – eta Rhizomatiks estudioak eta ELEVENPLAY dantza konpainiak sortutako hiru ikuskizun interaktibo. Lan hauek dantza garaikidea, argiztapen diseinua, droneak, bideo mapaketa eta irudien sorkuntza algoritmikoa konbinatzen dituzte .