Maisu-klasea
Joan Fontcubertarekin

  Asteazkena / Martxoak 20 
 Sarrera doan, gonbidapena aldez aurretik jasota, edukiera bete arte
MUN Antzokia

Joan Fontcuberta artistak bere ibilbide artistikoaren eta Florilegium erakusketaren alderdi nagusiak partekatuko ditu publikoarekin

Joan Fontcuberta (Bartzelona, ​​1955) Europako argazkilari garaikide garrantzitsuenetakotzat eta nazioarteko eszenako ahots errespetatu eta aitortuenetakotzat hartzen da. Hasselblad Fundazioaren Saria (2013) jaso duen artista espainiar bakarra da —argazkilaritzako saririk ospetsuenetako bat—, “argazkilari garaikide asmatzaileenetako bat, zeinaren ibilbidea argazkigintzan etengabe ikertzen lau hamarkadaz luzatzen den”.

Bere lana ikuspegi kontzeptual original eta jostalari batek bereizten du, argazki-konbentzioak, irudikapen-sistemak eta egiaren erregimenak aztertzen dituena. Fontcubertak zientzia eta fikzioaren kontzeptuak zalantzan jartzen ditu museo-espazioaren mugak gainditzen dituzten diziplina anitzeko proiektuetan.

1994an Frantziako Kultura Ministerioak Chevalier de l'Ordre des Arts et des Lettres izendatu zuen, 1998an Argazkilaritza Sari Nazionala eta 2011n Saiakera Sari Nazionala jaso zituen. Bere lan artistikoaz gain, Fontcubertak diziplina anitzeko jarduera garatu du argazkilaritzaren munduan, irakasle, kritikari, historialari eta erakusketa komisario gisa.